BhG 16.5

syntax

he pāṇḍava (O son of Pāṇḍu!),
daivī sampad (divine perfection) vimokṣāya (for liberation),
āsurī (demoniac) nibandhāya (for bondage) matā (considered),
[tvam] (you) daivīm sampadam (divine perfection) abhijātaḥ (born to) asi (you are)
[ataḥ eva] (therefore) mā śucaḥ (do not grieve!).

grammar

daivī	–	daivī 1n.1 f. – divine, pertaining to divinities (from: √div – to shine, to play, deva – god, divinity);
saṁpat	–	saṁpad 1n.1 f. – success, accomplishment, perfection, excellence, glory (from: sam-√pad – to attain, to prosper);
vimokṣāya	–	vimokṣa 4n.1 m. – for liberation, for leaving (from: vi-√muc – to liberate);
nibandhāya	–	ni-bandha 4n.1 m. – for bondage (from: ni-√bandh – to bind, to fetter);
āsurī	–	āsurī 1n.1 f. – demoniac, hellish (from: asura – opponent of the heavenly, demon);
matā	–	matā (from: √man – to think, to believe) PP 1n.1 f. – thought, considered;
mā	–	av. – not! (very strong negation mostly used with aorist deprived of  prefix ‘a-’);
śucaḥ	–	√śuc (to grieve,  to burn) Aor. P 2v.1 aśucaḥ – you grieved; used with particle mā loses prefix ‘a-’ and makes the imperative: do not grieve!
saṁpadam	–	saṁpad 2n.1 f. – success, accomplishment, perfection, excellence, glory (from: sam-√pad – to attain, to prosper);
daivīm	–	daivī 2n.1 f. – divine, pertaining to divinities (from: √div – to shine, to play, deva – god, divinity);
abhijātaḥ	–	abhi-jāta (abhi-√jan – to be born) PP 1n.1 m. – born to;
asi	–	√as (to be) Praes. P 2v.1 – you are;
pāṇḍava	–	pāṇḍava 8n.1 m. – O son of Pāṇḍu (from: pāṇḍu – white, pale);

textual variants

pāṇḍava → bhārata (O descendant of Bhārata!);

Śāṃkara

anayoḥ saṃpadoḥ kāryam ucyate—
daivī saṃpat yā sā vimokṣāya saṃsāra-bandhanāt | nibandhāya niyato bandho nibandhas tad-artham āsurī saṃpat matā abhipretā | tathā rākṣasī ca | tatraivam ukte saty ar junasyāntar-gataṃ bhāvaṃ kim aham āsura-saṃpad-yuktaḥ ? kiṃ vā daiva-saṃpad-yuktaḥ ? ity evam ālocanā-rūpam ālakṣya āha bhagavān—mā śucaḥ śokaṃ mā kārṣīḥ | saṃpadaṃ daivīm abhijāto’sy abhilakṣya jāto’si | bhāvi-kalyāṇas tvam asīty arthaḥ | he pāṇḍāva

Rāmānuja

daivī madājñānuvṛttirūpā saṃpad vimokṣāya bandhān muktaye bhavati / krameṇa matprāptaye bhavatītyarthaḥ / āsurī madājñātivṛttirūpā saṃpan nibandhāya bhavati adhogatiprāptaye bhavatītyarthaḥ //
etac chrutvā svaprakṛtyanirdhāraṇād atibhītāyārjunāyaivam āha
śokaṃ mā kṛthāḥ; tvaṃ tu daivīṃ saṃpadam abhijāto ‚si / pāṇḍava / dhārmikāgresarasya hi pāṇḍos tanayas tvam ityabhiprāyaḥ

Śrīdhara

etayoḥ sampadoḥ kāryaṃ darśayann āha daivīti | daivī vā sampat tayā yukto mayopadiṣṭe tattva-jñāne ‚dhikārī | āsuryā sampadā yuktas tu nityaṃ saṃsārīty arthaḥ | etac chrutvā kim aham atrādhikārī na veti sandeh-vvyākula-cittam arjunam āśvāsayati he pāṇḍava mā śucaḥ śokaṃ mā kārṣīḥ | yatas tvaṃ daivīṃ sampad abhijāto ‚si

Madhusūdana

anayoḥ sampadoḥ phala-vibhāgo ‚bhidhīyate daivīti | yasya varṇasya yasyāśramasya ca yā vihitā sāttvikī phalābhisandhi-rahitā kriyā sā tasya daivī sampat sā sattva-śuddhi-bhagavad-bhakti-jñāna-yoga-sthiti-paryantā satī saṃsāra-bandhanād vimokṣāya kaivalyāya bhavati | ataḥ saivopādeyā śreyo ‚rthibhiḥ | yā tu yasya śāstra-niṣiddhā phalābhisandhi-pūrvā sāhaṅkārā ca rājasī tāmasī kriyā tasya sā sarvāpy āsurī sampat | ato rākṣasī api tad-antar-bhūtaiva | sā nibandhāya niyatāya saṃsāra-bandhāya matā saṃmatā śāstrāṇāṃ tad-anusāriṇāṃ ca | ataḥ sā heyaiva śreyo ‚rthibhir ity arthaḥ | tatraivaṃ saty ahaṃ kayā sampadā yukta iti sandihānam arjunam āśvāsayati bhagavān | mā śucaḥ | aham āsuryāṃ sampadā yukta iti śaṅkayā śokam anutāpaṃ mā kārṣīḥ | daivīṃ sampadam abhilakṣya jāto ‚si prāg-arjita-kalyāṇo bhāvi-kalyāṇaś ca tvam asi he pāṇḍava pāṇḍu-putreṣv anyeṣv api daivī sampat prasiddhā kiṃ punas tvayīti bhāvaḥ

Viśvanātha

etayoḥ sampadoḥ kāryaṃ darśayati daivīti | hanta hanta śar-prahārair bandhūn jighaṃsoḥ pāruṣya-krodhādi-mato mamaiveyam āsurī-sampat saṃsāra-bandha-prāpikā dṛśyata iti khidyantam arjunam āśvāsayati mā śucaḥ iti | pāṇḍaveti tava kṣatriya-kulotpannasya saṅgrāme pāruṣya-krodhādyā dharma-śāstre vihitā eva | tad-anyatraiva te hiṃsādyā āsurī sampad iti bhāvaḥ

Baladeva

etayoḥ sampadoḥ phala-bhedam āha daivīty ardhakena sphuṭam | bāṇa-vṛṣṭyā pūjyā droṇādīn jighaṃsoḥ krodha- pāruṣyavato mameyam āsurī sampat narakaṃ janayed iti śocayantaṃ pārtham ālakṣāha mā śuca iti | he pāṇḍaveti kṣatriyasya te yuddhe bāṇa-nikṣepa-pāruṣyādikaṃ vihitatvāt diavy eva sampat tato ‚nyatra tv āsurīti mā śucaḥ śokaṃ mā kuru