BhG 11.34

syntax

[tvam] (you) mayā (by me) hatān (killed) droṇam ca (and Droṇa) bhīṣmam ca (and Bhīṣma) jayadratham ca (and Jayadratha) karṇam (Karṇa) tathā anyān api (and also others) yodha-vīrān (heroes among warriors) jahi (you must kill).
mā vyathiṣṭhāḥ (do not be perturbed!),
yudhyasva (you must fight),
raṇe (in battle) sapatnān (rivals) jetāsi (you will conquer).

grammar

droṇam	–	droṇa 2n.1 m. – cloud full of rain, tree, Droṇa;
ca	–	av. – and;
bhīṣmam	–	bhīṣma 2n.1 m. – frightful, Bhīṣma (from: √bhī – to scare);
ca	–	av. – and;
jayadratham	–	jayad-ratha 2n.1 m. – whose chariot wins; Jayadratha (from: √ji – to conquer, jaya – victory; ratha – chariot);
ca	–	av. – and;
karṇam	–	karṇa 2n.1 m. – ear; Karṇa (from: √karṇ – to pierce, to bore);
tathā	–	av. – in that manner, so, in like manner;
anyān	–	anya sn. 2n.3 m. – others;
api	–	av. – although, moreover, besides, even;
yodha-vīrān	–	yodha-vīra 2n.3 m.; TP: yodhānāṁ vīrān iti – heroes among warriors (from: √yudh – to fight, caus. yodha – warrior, battle; √vīr – to be valiant, to display heroism, vīra – brave, a hero);
mayā	–	asmat sn. 3n.1 – by me;
hatān	–	hata (√han – to strike, to beat, to kill) PP 2n.3 m. – who are killed;
tvam	–	yuṣmat sn. 1n.1 – you;
jahi	–	√han (to strike, to beat, to kill) Imperat. P 2v.1 – you must kill;
mā	–	av. – not! (bardzo silne zaprzeczenie najczęściej stosowana z aorystem pozbawionym partykuły „a”);
vyathiṣṭhāḥ	–	[mā] √vyath (to tremble, to waver, to be agitated, to be afraid) Aor. Ā 2v.1 – [do not] be perturbed!, [do not] tremble!;
yudhyasva	–	√yudh Imperat. Ā 2v.1 – you must fight;
jetāsi	–	√ji (to conquer) Fut.p. P 2v.1 – you will conquer;
raṇe	–	raṇa 7n.1 m. – in battle (from: √raṇ – to rejoice);
sapatnān	–	sa-patna 2n.3 m. – rivals (sa-patnī – co-wife);

textual variants

yodha-vīrān → loka-vīrān / vīra-mukhyān / yodhu-mukhyān (heroes of the world / chief heroes / chief among warriors);
hatāṁs tvaṁ → hatāḥ tvaṁ (killed, you);
vyathiṣṭhā → vyatiṣṭhā ([do not] wait);

Śāṃkara

droṇaṃ ca, yeṣu yeṣu yodheṣv arjunasyāśaṅkā tāṃs tān vyapadiśati bhagavān mayā hatān iti | tatra droṇa-bhīṣmayos tāvat prasiddham āśaṅkā-kāraṇam | droṇas tu dhanur-vedācāryo divyāstra-saṃpannaḥ | ātmanaś ca viśeṣato gurur gariṣṭhaḥ | bhīṣmaś ca svacchanda-mṛtyur divyāstra-saṃpannaś ca paraśurāmeṇa dvandva-yuddham agamat, na ca parājitaḥ | tathā jayadrathaḥ | yasya pitā tapaś carati mama putrasya śiro bhūmau nipātayiṣyati yaḥ, tasyāpi śiraḥ patiṣyatīti | karṇo’pi vāsava-dattayā śaktyā tv amoghayā saṃpannaḥ sūrya-putraḥ kānīno yataḥ, atas tan-nāmnaiva nirdeśaḥ | mayā hatān tvaṃ jahi nimitta-mātreṇa | mā vyathiṣṭhās tebhyo bhayaṃ mā kārṣīḥ | yudhyasva jetāsi duryodhana-prabhṛtīn raṇe yuddhe sapatnān śatrūn

Rāmānuja

droṇabhīṣmakarṇādīn kṛtāparādhatayā mayaiva hanane viniyuktān tvaṃ jahi tvaṃ hanyāḥ / etān gurūn bandhūṃś ca anyān api bhogasaktān kathaṃ haniṣyāmīti mā vyathiṣṭhāḥ tān uddiśya dharmādharmabhayena bandhusnehena kāruṇyena ca mā vyathāṃ kṛthāḥ / yatas te kṛtāparādhā mayaiva hanane viniyuktāḥ, ato nirviśaṅko yudhyasva / raṇe sapatnān jetāsi jeṣyasi / naiteṣāṃ vadhe nṛśaṃsatāgandhaḥ; api tu jaya eva labhyata ityarthaḥ

Śrīdhara

na caite vidmaḥ kataran no garīyo yad vā jayema yadi vā no jayeyuḥ ity āśaṅkā sāpi na kāryety āha droṇam iti | yebhyas tvaṃ śaṅkase tān droṇādīn mayaiva hatāṃs tvaṃ jahi ghātaya | mā vyathiṣṭhā bhayaṃ mā kārṣīḥ | sapatnān śatrūn raṇe yuddhe niścitaṃ jetāsi jeṣyasi

Madhusūdana

nanu droṇo brāhmaṇottamo dhanurvedācāryo mama guru viśeṣeṇa ca divyāstra-sampannas tathā bhīṣmaḥ svacchanda-mṛtyur divyāstra-sampannaś ca parāśurāmeṇa dvandva-yuddham upagamyāpi na parājitas tathā yasya pitā vṛddha-kṣatras tapaś carati mama putrasya śiro yo bhūmau pātayiṣyati tasyāpi śiras tat-kālaṃ bhūmau patiṣyatīti sa jayadratho ‚pi jetum aśakyaḥ svayam api mahādevārādhana-paro divyāstra-sampannaś ca tathā karṇo ‚pi svayaṃ sūrya-samas tad-ārādhanena divyāstra-sampannaś ca vāsava-dattayā caika-puruṣa-ghātinyā moghīkartum aśakyayā śaktyā śaktyā viśiṣṭas tathā kṛpāśvatthāma-bhūriśravaḥ-prabhṛtayo mahānubhāvāḥ sarvathā durjayā evaiteṣu satsu kathaṃ jitvā śatrūn rājyaṃ bhokṣye kathaṃ vā yaśo lapsya ity āśaṅkām arjunasyāpanetum āha tad āśaṅkā-viṣayān nāmabhiḥ kathayan droṇam iti |
droṇādīṃs tvad-āśaṅkā-viṣayī-bhūtān sarvān eva yodha-vīrān kālātmanā mayā hatān eva tvaṃ jahi | hatānāṃ hanane ko vā pariśramaḥ | ato mā vyathiṣṭhāḥ katham evaṃ śakṣyāmīti vyathāṃ bhaya-nimittāṃ pīḍāṃ mā gā bhayaṃ tyaktvā yudhyasva | jetāsi jeṣyasy acireṇaiva raṇe saṅgrāme sapatnān sarvān api śatrūn |
atra droṇaṃ ca bhīṣmaṃ ca jayadrathaṃ ceti ca-kāra-trayeṇa pūrvoktājeyatva-śaṅkānūdyate | tathā-śabdena karṇe ‚pi | anyān api yodha-vīrān ity atrāpi-śabdena | tasmāt kuto ‚pi svasya parājayaṃ vadha-nimittaṃ pāpaṃ ca mā śaṅkiṣṭhā ity abhiprāyaḥ |
kathaṃ bhīṣmam ahaṃ saṅkhye droṇaṃ ca madhusūdana | iṣubhiḥ pratiyotsyāmi pūjārhau ity atrevātrāpi samudāyānvayān antaraṃ pratyekānvayo draṣṭavyaḥ

Viśvanātha

no commentary up to the verse BhG 11.35

Baladeva

yad vā jayema yadi vā no jayeyuḥ iti sva-vijaye saṃśayam ākārṣīr ity āśayenāha droṇaṃ ceti | mayā hatān hatāyuṣo droṇādīṃs tvaṃ jahi māraya | mā vyatiṣṭhāḥ | katham etān divyāstra-sampannān ekaḥ śaknomy ahaṃ vijetum iti bhayaṃ mā gāḥ | mṛtānāṃ māraṇe kaḥ śrama ity arthaḥ | bhayaṃ hitvā yudhyasva raṇa sapatnān ripūn jetāsi jeṣyasi