BhG 11.14

syntax

tataḥ (then) saḥ vismayāviṣṭaḥ (he filled with wonder) hṛṣṭa-romā (with hairs standing on end) kṛtāñjaliḥ (with folded hands) dhanañjayaḥ (the winner of wealth) śirasā (with the head) devam (to the divinity) praṇamya (after bowing) abhāṣata (he spoke).

grammar

tataḥ	–	av. – then, after that, from that, for that reason (from: tat – indeclinable ablative with an ending -tas);
saḥ	–	tat sn. 1n.1 m. – he;
vismayāviṣṭaḥ	–	vismaya-āviṣṭa 1n.1 m.; TP: vismayenāviṣṭa iti – filled with wonder (from: vi-√smi – to wonder, to be proud, vismaya – wonder, surprise, perplexity; ā-√viś – to approach, to enter, PP āviṣṭa – entered, filled);
hṛṣṭa-romā	–	hṛṣṭa-roman 1n.1 m.; BV: yasya romāṇi hṛṣṭāni santi saḥ – whose hairs stand on end (from: √hṛṣ – to be excited, to become erect, PP hṛṣṭa – bristling, rejoiced; √ruh – to ascend, to rise, roma / roman – the hair on the body);
dhanaṁjayaḥ	–	dhanaṁ-jaya 1n.1 m.; yo dhanaṁ jayati saḥ – winner of wealth, Dhanaṁjaya (from: dhana – booty, prey, riches; √ji – to conquer, jaya – victory);
praṇamya	–	pra-√nam (to bend, to bow) absol. – after bowing;
śirasā	–	śiras 3n.1 n. – with the head;
devam	–	deva 2n.1 n. – god, divinity (from: √div – to shine, to play);
kṛtāñjaliḥ	–	kṛta-añjali 1n.1 m.; BV: yenāñjaliḥ kṛto ‘sti saḥ – who did folded hands (from: √kṛ – to do, PP kṛta – done, made; √añj – to decorate, to annoint, to honour, añjali – respect, salutation, joined palms slighty hollowed);
abhāṣata	–	√bhāṣ (to speak) Imperf. Ā 1v.1 – he spoke;

textual variants

devam → viṣṇum (Viṣṇu);

Śāṃkara

tatas taṃ dṛṣṭvā sa vismayenāviṣṭo vismayāviṣṭo hṛṣṭāni romāṇi yasya so’yaṃ hṛṣṭa-romā cābhavad dhanañjayaḥ | praṇamya prakarṣeṇa namanaṃ kṛtvā prahvī-bhūtaḥ san śirasā devaṃ viśva-rūpa-dharaṃ kṛtāñjaliḥ namaskārārthaṃ saṃpuṭīkṛta-hastaḥ sann abhāṣata uktavān

Rāmānuja

tato dhanañjayo mahāścaryasya kṛtsnasya jagataḥ svadehaikadeśenāśrayabhūtaṃ kṛtsnasya pravartayitāraṃ ca āścaryatamānantajñānādikalyāṇaguṇagaṇaṃ devaṃ dṛṣṭvā vismayāviṣṭo hṛṣṭaromā śirasā daṇḍavat praṇamya kṛtāñjalir abhāṣata

Śrīdhara

evaṃ dṛṣṭvā kiṃ kṛtavān iti ? tatrāha tata iti | tato darśanāntaram | visamyenāviṣṭo vyāptaḥ san hṛṣṭāny utpulakitāni romāṇi yasya sa dhanañjayaḥ | tam eva devaṃ śirasā praṇamya kṛtāñjaliḥ sampuṭākṛta-hasto bhūtvā | abhāṣatoktavān

Madhusūdana

evam adbhuta-darśane ‚py arjuno na vibhayāṃcakāra nāpi netre saṃcacāra, nāpi saṃbhramāt kartavyaṃ visasmāra, nāpi tasmād deśād apasasāra, kintv atidhīratvāt tat-kālocitam eva vyavajahāra, mahati citta-kṣobhe ‚pīty āha tata iti | tatas tad-darśanād anantaraṃ vismayenādbhuta-darśana-prabhāvenālaukika-citta-camatkāra-viśeṣeṇāviṣṭo vyāptaḥ | ataeva hṛṣṭa-romā pulakitaḥ san sa prakhyāta-mahādeva-saṅgrāmādi-prabhāvo dhanaṃjayo yudhiṣṭhira-rājasūya uttara-go-grahe ca sarvātrājño jitvā dhanam āhṛtavān iti prathita-mahā-parākramo ‚tidhīraḥ sākṣād agnir iti vā mahā-tejasvitvāt | devaṃ tam eva viśvarūpa-dharaṃ nārāyaṇaṃ śirasā bhūmi-lagnena praṇamya prakarṣeṇa bhakti-śraddhātiśayena natvā namaskṛtya kṛtāñjaliḥ sampuṭīkṛta-hasta-yugaḥ sann abhāṣatoktavān |
atra vismayākhya-sthāyi-bhāvasyārjuna-gatasyālambana-vibhāvena bhagavatā viśvarūpeṇoddīpana-vibhāvenāsakṛt-tad-darśanenānubhāvena sāttvika-romaharṣeṇa namaskāreṇāñjali-kareṇa ca vyabhicāriṇā cānubhāvākṣiptena vā dhṛti-mati-harṣa-vitarkādinā paripoṣāt sa-vāsanānāṃ śrotṝṇāṃ tādṛśaś citta-camatkāro ‚pi tad-bhedānadhyavasāyāt paripoṣaṃ gataḥ paramānandāsvāda-rūpeṇādbhuta-raso bhavatīti sūcitam

Viśvanātha

no commentary up to the verse BhG 11.15

Baladeva

evaṃ kṛṣṇa-tattvavid arjunas tasmin sattvena jñātaṃ sahasra-śīrṣatvam adhunā vīkṣyādbhutaṃ rasam anvabhūd ity āha tata iti | taṃ vyañjalita-tad-rūpaṃ kṛṣṇaṃ vilokyety arthaḥ | dhanaṃjayeti dhīro ‚pi vismayenāviṣṭo hṛṣṭa-romā pulakito devaṃ śirasā bhū-lagnena praṇamya kṛtāñjaliḥ sann abhāṣata | atra bhaya-netra-saṃvaraṇādikaṃ tasya nābhūt kintv adbhuto raso ‚bhyudaid iti vyañjate | iha tādṛśo harir ālambano muhur muhus tad-vīkṣaṇam uddīpanaṃ praṇati-pāṇi-yogāv anubhāvau, romāñcaḥ sāttvikas tair ākṣiptā matir dhṛti-harṣādayaḥ sañcāriṇaḥ | etair ālambanādyaiḥ puṣṭo vismaya-sthāyi-bhāvo ‚dbhuta-rasaḥ